MaggiDan.com

Langar að skrifa um nokkrar myndir sem ég er búinn að sjá nýlega, án þess að fara of ítarlega í hverja mynd fyrir sig.

Get Smart (2008) er ógeðslega fyndin. Okkur Örnu langaði í bíó, og valið stóð milli Get Smart og X-Files: I Want To Believe. Ég tók ákvörðun um að fara á þessa mynd, búinn að heyra að hún væri betri en maður ætti von á. Það var líka raunin, myndin er alveg sjúklega fyndin. Aumingja Arna þurfti að sitja við hliðina á mér alla myndin meðan ég grét úr mér augun af hlátri. Steve Carrell er svo fyndinn gæi. Mér finnst hann bara vera að sanna sig sem einn besti grínmyndaleikarinn í Hollywood. Geðveikur í Anchorman, mistök í Bruce Almighty þó (hélt mig fjarri Evan Almighty!), Little Miss Sunshine (aðeins of… eitthvað fyrir mig), Dan In Real Life (fyndnasta mynd seinasta árs?) og svo var hann náttúrulega The 40 Year Old Virgin.

Shoot ‘Em Up (2007) er svo snargeðveik mynd! Ógeðslega fyndin, óendanlega svöl og ótrúlegahallærisleg. Full af svo geðveikum kvótum. Shit.

Solkongen (2005) er alveg eðalgóð dönsk mynd. Horfði á aftur hana í dönskum kvikmyndaáfanga í skólanum (horfði á hana áður í skólanum) og hún var umtalsvert betri núna. Grínmynd án alls grínsins.

Tropic Thunder (2008) var allt öðruvísi en ég hafði ímyndað mér. Robbi bró laug aðeins að mér varðandi söguþráðinn (óviljandi) þannig að ég beið alla myndin eftir ákveðnum atburðum sem svo gerðist aldrei. Ekki það að það hafi skemmt myndina eitthvað. Myndin var þó ekki alveg jafn góð og ég átti von á, en húmorinn klikkaði ekki (enda Ben Stiller og Jack Black í henni).

Ég datt alveg óvart inn í Big Nothing (2006) meðan ég beið eftir Örnu. Myndin var á Stöð 2 og ég settist niður fyrir framan imbann og ætlaði ekki að geta farið út, enda mættum við aðeins seinna en planað var í partýið. Gat þó ekki klárað myndin þannig að ég þurfti að downloada henni. Þetta er mynd sem er full af pínlegum og fyndnum atburðum sem leiða eitt af öðru og koma öllum í klípu (ég hugsa alltaf um einhverja mynd þegar ég hugsa um þessa, þær eru í sama stíl en ég bara man ekki hvað hún heitir). Myndin er með David Schwimmer, sem leikur Ross í Friends, og Simon Pegg, sem leikur í Hot Fuzz. Ógeðslega góð mynd, mæli alveg hiklaust með henni.

Death Race (2008) hefur lélegan söguþráð, virkilega, virkilega lélegt plott og klippingin er til háborinnar skammar. Í kappakstrinum sjálfum er klippingin alltof hröð og maður nær ekki að fylgja neinu eftir. Jason Statham er það eina sem stendur upp úr í myndinni.
Ágætis húmor er í myndinni, en myndin er ekkert annað en sumarmynd sem gleymist, sem betur fer, fljótt.

Í dag mótmæltu um 100 ungmenni hái verði bíómiðans með því að teppa umferð um gatnamót Miklubrautar / Kringlumýrarbrautar.
Ekki þurfti meira en nokkrar löggur á staðinn sem hótuðu handtökum og mótmælin leystust upp.

Í fyrsta lagi: Hvað er að? Mun ganga einhver mótmæla alda yfir Ísland útaf þessum trukkabílstjórum? Ætlar fólk að taka sér þetta til fyrirmyndar?

Í öðru lagi: Hvar eru gáfurnar hjá þessu fólki? Lærir það ekki í skólanum? Vita þau ekki að bíóhúsin eru einkarekin og mega rukka eins hátt miðaverð og þau vilja? Ef ykkur finnst of dýrt að fara í bíó, sleppið því þá! Það er ekki flóknara en það!
Á að mótmæla háu bíóverði með því að stoppa umferð í dag og fara í bíó núna í kvöld?! Áhrifaríkasta leiðin er að sniðganga bíóin.
Mér finnst of dýrt í bíó og líklegast tuða ég um það :-), en í bíó fer ég þó ekki. Hvort finna bíóhúsin meira fyrir umferðartöfum eða missi upp á (allavega mínum) þúsund króna aðgangseyri tvisvar í mánuði?

Hversu margir ætli hafi líka haldið að þeir væru að mótmæla bensíninu?

Þetta er meira en bara hálfvitaskapur, og jaðrar þetta við fávitaskap.

PS. Ég þurfti að skipta um útlit útaf ég var að fikta e-ð í kóðanum á hinu og það bilaði. Það kemur vonandi aftur upp sem fyrst!

The Number 23 er ein hrikalegasta mynd sem ég hef séð. Ég fór á hana um helgina og ég trúi ekki að ég hafi borgað 900 kall fyrir hana. Það er ekki oft sem ég sé mynd og hún fær undir fimm hjá mér. 23 fær þrjá af tíu. Versta mynd ársins og seinasta og þarseinasta og þar á undan. Virkilega. Forðið ykkur frá myndinni.

Bílpróf er æðislegt. Bílleysi er jafn ömurlegt og bílprófið er æðislegt. Kominn með einn eða tvo bíla í sigtið. Fer vonandi að vinna svo í þessu og kaupi einn á kostakjörum.

Skellti inn nýrri plötu mánaðarins. Justin Timberlake - FutureSex/LoveSounds. Sem dæmi um hvað hún er góð sagði annar helmingur Death From Above 1979 að þetta væri besta plata seinasta árs.

Í gær var ég búinn að eyða heilum degi með Örnu þegar hún lítur á mig og segir „vó, til hamingju með átta mánuðina“. Þá var klukkan níu. Hvorugt okkar hafði fattað hvaða dagur var. Já, ég veit hvað þú ert að hugsa. Okkur finnst ennþá kúl þegar 26. hvers mánaðar er.
PS. Takið eftir ljótum hökutopp ef þið smellið á myndina. Þá kemur stærri mynd. Þessi hökutoppur var einu sinni geggjað töff, fannst mér. /lol.

Nú að spila: N*E*R*D - Provider.

Ööö. Bloggið fyrir neðan þetta hvarf. Veit ekki hvernig eða af hverju.

Í fyrsta lagi: Blood Diamond er fokking snilld. Sökum þess að sumir voru ýmist búnir að sjá mynd sem áhugi var fyrir hendi að sjá, eða áhugaleysi var fyrir mynd, ákváðum við Arna og Stebbi að fara á Blood Diamond. Sökum góðs skaps örugglega ákváðum við að fara á hana í MMF-salinn. Nei, ekki mean mother fuckers eins og Frank brói er örugglega a hugsa, heldur Mjög Merkilegt Fólk. Betur þekktur sem VIP-salurinn. Allavega; Blood Diamond, Lazy-Boy, Sprite í tonnatali og stór bakki af nachos gerir hvaða kvöld sem er fulkomið. Hver hluturinn er hinum betri!
Blood Diamond er áhrifamikil mynd. Hún fjallar um borgarstyrjaldir í Afríku, risastóran blóðdemant og spillingu innan demantaheimsins. Svona mynd eins og Hótel Rúanda.
Í öðru lagi: Þetta! Á þetta að vera djók? STEF er gjörsamlega búið að tapa sér. Það eina sem þeir græða á svona máli er u.þ.b. 30 þúsund kall og heilan helling af leiðindum.

Í þriðja lagi: MotherLoad. Þessi leikur á hug minn og hjarta um mun gera það næstu dagana. Hvernig er ekki hægt að fíla námugröft, flottan bor sem hægt er að uppfæra og plánetuna Mars? Allir í MotherLoad!

Í fjórða lagi: Nú að spila: Mogwai - Killing All The Flies. Bahhh. ‘Nuff said. (Borið fram eins og Pacino talar í Scarface!)