MaggiDan.com

Jájá, þessi 17. júní var ekki alveg jafn magnaður og þessi sem ég skrifaði um fyrir tveimur árum.
Var að vinna til fjögur á yndislegum launum og fór þá niður í bæ í algjöra bongó-blíðu. Lögðum miðsvæðis og röltum um bæinn og svo að lokum niður í Hljómskálagarð þar sem við Arna og Aníka vorum í sólbaði og boxuðum með RISA boxhönskum, sem var geðveikt. Eyddi svo kvöldinu í svefn og að spila Sjöu!

En 17. júní var ekki bara merkilegur fyrir þær sakir að þá höldum við upp á afmæli Jóns okkar forseta, því þennan dag var haldinn International Mozilla Firefox Day í tilefni af nýrri útgáfu vafrans.
Ég var búinn að sverja að ég myndi ná í forritið – þeir voru að reyna að setja heimsmet – 17. júní, en ég var algjör asni og gleymdi tölvunni minni heima og gat því ekki náð í forritið. En ég náði í það daginn eftir.
Þeir náðu rúmum átta milljónum niðurhala, og þar af ríflega 9.000 frá Íslandi, sem ég tel slatta gott. Núna er talan komin í fjórtán og hálfa milljón. Getið lesið um þetta hérna.

Ég tók því rólega um helgina, eftir hressa seinustu helgi. Horfði bara á sjónvarpið á föstudaginn, enda vinna á laugardaginn.
Á laugardaginn hins vegar voru Stebbi (já, the legend) og Aníka hérna. Stebbi búinn að tala um að taka Risk í viku, en enginn gat reddað því þannig að hann kom með spilastokk og við spiluðum póker upp á eina krónur. Það var ekki alveg nógu svalt þannig að Arna kom með spilapeninga úr Take A Gamble, og þá fóru sko hjólin að snúast. Við öll amateurar nema Stebbi. Arna datt fljótt úr, og Aníka nokkrum umferðum seinna. Þá vorum við Stebbi eftir, og við gerðum þetta af frekar frekari alvöru en stelpurnar. Þarna var Stebbi með 3/5 peninganna í spilinu. Mér tókst á undraverðan hátt að koma hlutfallinu í 2/3, mér í hag. Svo tókst mér á jafn undraverðan hátt að tapa því öllu!

Að öðru…

Mamma pantaði far til Spánar á föstudaginn fyrir mig og ég fékk farið á 33 þús. Aníka pantaði farið í gær en fékk það ekki jafn ódýrt, á 48 þús. Arna og Stebbi pöntuðu núna í morgun á fengu það á 37 þús.
Arna, Aníka og Stebbi fara út 30. júlí, en ég kem út þann 9. ágúst. Sá sem veit ekki ástæðuna en nær að gisska, fær hrós. Allavega, þetta var ekkert vafamál fyrir mig hvort ég ætti að velja. Svo komum við öll heim nótt 17. ágústs. Ég leg af stað héðan um 15.30 þann 9. en þó er ég ekki lentur fyrr en klukkan 22 úti þannig af fyrsti dagurinn er algjörlega ónýtur nema kannski í djamm, enda verður klukkan þá bara 20 hjá mér. En á móti förum við ekki í loftið fyrr en um 22 þarna úti, þann 16. þannig að ég tapa ekki alveg heilum degi. Ohhhhhh, hvað ég hlakka til!