Sameinaðir stöndum vér, sundraðir föllum vér
Í dag mótmæltu um 100 ungmenni hái verði bíómiðans með því að teppa umferð um gatnamót Miklubrautar / Kringlumýrarbrautar.
Ekki þurfti meira en nokkrar löggur á staðinn sem hótuðu handtökum og mótmælin leystust upp.
Í fyrsta lagi: Hvað er að? Mun ganga einhver mótmæla alda yfir Ísland útaf þessum trukkabílstjórum? Ætlar fólk að taka sér þetta til fyrirmyndar?
Í öðru lagi: Hvar eru gáfurnar hjá þessu fólki? Lærir það ekki í skólanum? Vita þau ekki að bíóhúsin eru einkarekin og mega rukka eins hátt miðaverð og þau vilja? Ef ykkur finnst of dýrt að fara í bíó, sleppið því þá! Það er ekki flóknara en það!
Á að mótmæla háu bíóverði með því að stoppa umferð í dag og fara í bíó núna í kvöld?! Áhrifaríkasta leiðin er að sniðganga bíóin.
Mér finnst of dýrt í bíó og líklegast tuða ég um það 
, en í bíó fer ég þó ekki. Hvort finna bíóhúsin meira fyrir umferðartöfum eða missi upp á (allavega mínum) þúsund króna aðgangseyri tvisvar í mánuði?
Hversu margir ætli hafi líka haldið að þeir væru að mótmæla bensíninu?
Þetta er meira en bara hálfvitaskapur, og jaðrar þetta við fávitaskap.
PS. Ég þurfti að skipta um útlit útaf ég var að fikta e-ð í kóðanum á hinu og það bilaði. 
Það kemur vonandi aftur upp sem fyrst!
Category: Blogg
Subscribe
If you enjoyed this article, subscribe to receive more just like it.
Ertu á móti öllum mótmælum Magnús?? Þú vilt sem sagt óbreytt ástand í landinu?? Því ef enginn mótmælir, þá halda þessar hækkanir bara áfram og áður en þú veist af þá kostar 2.000 kr. í bíó og bensínlítrinn nær 200 kr.
Auðvitað er það frekar heimskuleg leið að stoppa umferð til að mótmæla bíó-verðinu… en einhverstaðar verður að byrja, til að vekja athygli á málstaðinum og að vissu leiti er umferðin frábær staður til þess. En það er auðveldara sagt en gert að fá 300.000 manns til þess að sniðganga kvikmyndahúsin.
Mér finnst það samt sem áður til fyrirmyndar að standa upp og krefjast betri kjara fyrir landsmenn.
p.s. Ég var ein af þeim sem hélt að unglingarnir væru að mótmæla bensíninu
Þetta er ekki spurning um að vera á móti mótmælum heldur að þekkja takmörk sín, hverju á að mótmæla og hvernig það er gert.
Atvinnubílstjórar klárlega fóru langt langt yfir strikið í sínum mótmælaaðgerðum og gerðu það á rangan hátt með því að láta aðgerðirnar bitna á fólki sem kemur bensín verði ekkert við.
Á vissan hátt skil ég hátt bensínverð. Það er takmörkuð auðlind og þeir sem sitja á olíunni vilja auðvitað græða sem mest. Gengið ræður miklu þar um og þetta eru tvennir hlutir sem litla þjóðin Ísland ræður ekki mikið við.
Hér í Sviss er bensínverðið orðið gríðarlega hátt og skattar á bensíni eru mjög lágir. Lítrinn kostar hér af dísel rétt tæplega 2 franka (sem miðað við gengi er í dag 140 krónur en ef allt væri eðlilegt, 120 krónur). Ég mundi segja að bensínverðið hér í Sviss er eins og það ætti að vera vegna þess hve skattar eru lágir á bensíninu þannig að þetta er eiginlega bara olíufélögin sem ákveða verðið. Bensínið hefur hækkað úr 1,60 frönkum í 1,94 franka á aðeins hálfu ári. Þetta er ekki bara á Íslandi.
Og ef bensínskattar verða lækkaðir á Íslandi – hvar hækka þá skattar á móti? Einhvers staðar verðar skattar að hækka til að vega uppá móti þessari lækkun. Og eigum við að hætta að byggja brýr, göng, leggja tvíbreiða vegi og stoppa alla betrumbæti yfir höfuð bara vegna þess að hávær minnihlutahópur vill það?? Almennt séð er bensín lúxusvara, þú hefur val. Þú þarft ekki að keyra. Það eru aðrir möguleikar, þó að strætó sé algjört crap á Íslandi, þá eru líka aðrir möguleikar. Nú er verið að tala um léttvagnalestakerfi í Reykjavík og ég er mjög spenntur fyrir því verkefni og vonandi verður það að veruleika. Og ef þú kýst að keyra, þá geturðu keypt þér sparneytinn bíl. Þú þarft ekki að kaupa þér stóran jeppa eins og hefur verið í tísku undanfarin ár. Því stærri jeppi, því meiri maður ertu!
Bensín er afar lítill hluti af útgjöldum venjulegrar fjölskyldu. Það er staðreynd. Mér finnst mikilvægara en almennir skattar lækki eða persónuafslátturinn hækki. Mér er slétt sama um bensínskatta því ég keyrði það lítið að ég þurfti ekki að fylla bílinn minn nema á 3 vikna fresti.
Og þú Magga, þú býrð þokkalega miðsvæðis í Reykjavík. Áttu hjól? Það væri tilvalið fyrir þig að hjóla hvert sem þú getur, því það er bæði skemmtilegt og heilsubætandi. Þú getur líka hvatt Huldu til að ganga eða hjóla í vinnuna. Veistu hvað það tekur langan tíma að labba á Geitlandi 23 og að Nóatúni í Furugrund? 7 mín. Veistu hvað tekur langan tíma að keyra? Ekki minna en 7 mín. Krókurinn er ótrúlega mikill á bíl.
Og hvað varðar bíómiðaverðið. Á að stoppa umferð til að mótmæla bíóverði? Hvað varð um mótmæli fyrir framan sökudólgana, eins og að safnast fyrir framan Sambíóin í Mjóddinni og láta í sér heyra þar? Kasta eggjum þar, leggja bíl fyrir framan innkeyrsluna svo aðrir komist ekki í bíóið nema að leggja lengst í burtu? Það vantar eitthvað alvarlega mikið að í heilabúið hjá þessum unglingum. Bíó er ekkert annað en afþreying sem vel er hægt að komast hjá og þetta er fáránleg og heimskuleg mótmæli. Hættið að fara í bíó ef þið eruð ósátt við hátt miðaverð. Ég geri það. Ég downloada eins og ég fái borgað fyrir það og er mjög sáttur við það. Ég þarf ekki að fara í bíó, ég nýt þess jafnvel meira að horfa á bíómynd heima hjá mér í rólegheitum.
Hvað verður næst? spyr ég bara.
Þessu er ekki beint gegn þér Magga, en þú spurðir Magga hvort hann væri á móti öllum mótmælum og ég tók mér það leyfi til að svara fyrir hann
Yfirleitt er ég á móti öllum mótmælum, já. Ástæðan er hvernig þau eru framkvæmd; hávært og heimskulega. Tek ég þessi mótmæli sem dæmi og mótmæli trukkabílstjóranna.
Dæmi hinsvega um vel framkvæmd mótmæli væri að auglýst brjálað á netinu, jafnvel hengja upp auglýsingar í skóla og segja þar “Enginn fer í bíó helgina, 25. – 27. apríl! Þá finna þeir fyrir miklu tapi.” Þeir finna ekki fyrir neinu, öðru en lúmskum ánægjuhrolli að geta plokkað fé útúr þessum mótsagnakenndu ungmennum.
Mér finnst það eðlilegt að verðið á bensínlítra muni ná 200 kr. Eftir tvö ár, eflaust mun fyrr þó, verður bensínlítrinn kominn upp í 200 kr.
Geturu ímyndað þér verðið þegar olíumennirnir tilkynna að það bensínlindirnar þorni upp eftir ár?
Í Sviss er verðið 140 kr., í Noregi er verðið 180 kr. Allavega getið séð þetta hér: http://www.aaroadwatch.ie/eupetrolprices/ . Evran er 115 kr. Verðið hér er í samræmi við verðið úti, og oft lægra.
Ég hélt líka að verið væri að mótmæla bensíninu. Pældu samt líka í þessu, hversu margir í hópnum þarna hafa haldið að þeir væru að mótmæla bensíninu?
Ég fékk mörg skeyti send um þessi mótmæli, en ekkert þeirra sagði hverju væri verið að mótmæla.
Hvað kostar nú í bío?
Ég held að SAMbíóin hafi verið að hækka um hundrað kall. Er þó ekki viss.
Áður kostaði 900 kr hjá öllum bíóum, en SAMbíóin eru búin að vera með þann háttinn á að rukka 50 auka krónur fyrir bíómyndir sem eru lengri en 150 mínútur (eða 120), myndir sem eru sýndar í Digital gæðum og á sérstökumhátíðardögum.
Það kostar 1000 kr í miðasölu, 900 krónur hjá miða.is minnir mig. Svo hækkuðu þeir barnagjaldið og fyrir eldri borgara, eitthvað svoleiðis.
HAHA eina ástæðan af hverju þú ferð í bíó yfir höfuð er útaf mér Studly … en já hefuru ekki heyrt hugtakið, people are retarded!
en já næstu 5-10 árin verða uppreisnar ár á íslandi! that´s for sure.
Næst er við vitum eru kynlífsgráðugir táningar að hlusta á “Sex Pistols” og ganga í enn druslulegri fötum og gata kynfæri sín…
synd, synd!
sjálf fer ég nánast aldrei í bíó… og keyri sparneytinn bíl. Ég ætti kannski ekkert að vera að kvarrta
Annars voru þetta mjög góðir punktar hjá þér Robbi. þessi “unglinga” mótmæli voru frekar heimskulega skipulögð (enda voru þau ekki einu sinni öll að mótmæla sama hlutnum), mér fannst þau frekar vera að lýsa stuðningi sínum við vörubílstjórana heldur en að krefjast breytinga… því eins og þið benntuð á voru mótmælin ekki beind að sökudólgunum.
það er kannski kominn tími á að ég kaupi mér nýjan hjólalás og selji svo bílinn?? Efast um að ég fái Huldu með mér í það :/
Come on Maggi!
Þessi krakkar bara kunna ekki að mótmæla af því að þau hafa aldrei séð mótmæli.
Nema auðvita í Frakklandi… en það eru auðvita allir ógeðslega hárugir þar.
no no hair removal reviews Math problems? Call 1-800-[(10x)(ln(13e))]-[sin(xy)/2.362x]