MaggiDan.com

1. Þú ert núna meðlimur í leiknum.
2. Ef þú manst eftir leiknum ertu búin/n að tapa honum.
3. Munir þú aldrei eftir leiknum vinnur þú hann. Hann er, tel ég, óvinnandi.
4. Þegar/ef þú manst eftir honum þarftu að segja einhverjum frá því.

Mjög einfaldar reglur. Eyðileggðu líf einhvers annars með leiknum. Þér líður vel við það.

Í dag mótmæltu um 100 ungmenni hái verði bíómiðans með því að teppa umferð um gatnamót Miklubrautar / Kringlumýrarbrautar.
Ekki þurfti meira en nokkrar löggur á staðinn sem hótuðu handtökum og mótmælin leystust upp.

Í fyrsta lagi: Hvað er að? Mun ganga einhver mótmæla alda yfir Ísland útaf þessum trukkabílstjórum? Ætlar fólk að taka sér þetta til fyrirmyndar?

Í öðru lagi: Hvar eru gáfurnar hjá þessu fólki? Lærir það ekki í skólanum? Vita þau ekki að bíóhúsin eru einkarekin og mega rukka eins hátt miðaverð og þau vilja? Ef ykkur finnst of dýrt að fara í bíó, sleppið því þá! Það er ekki flóknara en það!
Á að mótmæla háu bíóverði með því að stoppa umferð í dag og fara í bíó núna í kvöld?! Áhrifaríkasta leiðin er að sniðganga bíóin.
Mér finnst of dýrt í bíó og líklegast tuða ég um það :-), en í bíó fer ég þó ekki. Hvort finna bíóhúsin meira fyrir umferðartöfum eða missi upp á (allavega mínum) þúsund króna aðgangseyri tvisvar í mánuði?

Hversu margir ætli hafi líka haldið að þeir væru að mótmæla bensíninu?

Þetta er meira en bara hálfvitaskapur, og jaðrar þetta við fávitaskap.

PS. Ég þurfti að skipta um útlit útaf ég var að fikta e-ð í kóðanum á hinu og það bilaði. Það kemur vonandi aftur upp sem fyrst!

Þetta er í annað skiptið sem ég nota þennan titil. Seinast var það þegar ég skrifaði um Eric Clapton og að hann ætti að spila á Íslandi.
Núna nota ég það um aðgerðir lögreglu gegn atvinnubílstjórum.

Bílstjórarnir hafa fengið að gera land og lög að algjörum fíflum. Það, að þeir hafi komist upp með að tefja umferð fyrir almenningi er hneykslanlegt. Eintómar hótanir lögreglu hafa gefið bílstjórunum ástæðu til að halda að ekkert verði gert. Það hafa þeir líklega haldið.

Margir eru hneykslaðir á aðgerðum lögreglu og segja þetta of gróft.
Þetta er ekki of gróft. Ef lögregla gerir ekkert munu þeir halda mótmælunum áfram, en augljóslega er það ekki á áætlunum þeirra.

Ég miða þessi skrif við mótmæli þeirra á bensínverðinu:
1. Gera þeir sér ekki grein fyrir því að ef álögur Ríkisins á eldsneyti lækka, hækka aðrir skattar á móti? Er þeim alveg sama um það? Ég skil það reyndar, þar sem lífsafkoma byggist á keyrslu. En þ.a.l. menga þeir meira, slíta vegunum meira. Þetta er þeirra leið til að borga það til baka.
Það sem ég skil ekki er almenningur í þessu samhengi. Matvælaskattur var lækkaður, skattur á tónlist og kvikmyndir var lækkaður, þeir vilja að allir skattar verði lækkaðir. Auðvitað vilja allir það, en HALLÓ? Hvernig á Ríkið þá að fá pening? Hvernig viljið þið hafa vegina okkar? Skólana?
2. Af hverju mótmæla þeir þannig að almenningur þurfi að líða fyrir það? Gera þeir sér eki grein fyrir því að ég og Jón Jónsson sem þeir tefja í umferðinni borga sama verð fyrir bensínið og þeir? Hvernig væri að leggja fyrir framan Alþingi? Hvernig hefði verið að sturta malarhlassinu fyrir framan Alþingi? Hvernig væri að henda eggjum í Alþingishúsið eða Alþingismenn?
3. Hvernig væri að teppa aðreinar að bensínstöðvum? Hvernig hefði verið að sturta malarhlassinu fyrir framan bensínsvöðina í Ártúnsholtinu?

Hálfvitar.
—
Viðbót kl. 16.10:
Hér er myndband sem Hlyndur frændi tók af mótmælunum áðan:

Ég ætla ekki að tjá skoðun mína á þessu, að öðru leyti en að mér finnst þetta skiljanleg viðbrögð.

Annars ætla að ég spyrja að einu: Hvort kom á undan; táragasið og kylfurnar eða eggin og steinninn sem var kastað?