MaggiDan.com

Jájá. Var að sækja einkunnirnar mínar áðan og náði öllu. Ég tók fjögur próf og kláraði þau öll á fyrstu fjórum prófdögunum. Meðan Arna tók fimm próf og var viku lengur en ég, þannig að ég var heppinn í meira lagi.  Hérna eru einkunnirnar:

Fjölmiðlafræði 203: 8
Enska 403: 8
Íþróttir 242: 7!!!
Íslenska 403: 6
Saga 103: 5
Spænska 203: 5

Ég er sáttur með þetta, enda þarf ég á öllum mínum einingum að halda eigi ég að klára á réttum tíma. Er núna búinn að klára 85 einingar af 140, en ég er held ég fimm einingum eftir á.
Ég tók tvö próf eitt daginn og var í fríi einn af þessum fjórum dögum. Prófin tvö sem ég tók sama daginn fékk ég fimm í sitthvoru.

Þannig að ég er búinn að vera að vinna í rúmar tvær vikur og er byrjaður að vinna jólavaktirnar; 12 tíma. Mér finnst það fínt, les eða eitthvað þegar það er rólegt að gera en þegar það er brjálað að gera er það best. Allir á fullu og búðin pökkuð af fólki.
—
Er að lesa Gyllta Áttavitann núna í annað skiptið, í tilefni myndarinnar sem byggð er á bókinni sem kemur út á annan í jólum. Alveg mögnuð bók, nýti hvert tækifæri sem ég fæ til að lesa í henni. Stíluð sem barnabók, og er það eflaust. Ég og pabbi lásum hana þegar ég fékk hana og þó ég sé að lesa hana aftur, rúmur þremur árum seinna; nokkrum skeggbroddum og punghárum fleiri, er hún alveg jafn góð! Ætla svo að lesa líka hinar tvær bækurnar í þrennunni; Lúmska Hnífinn og Skugga Sjónaukann þegar ég klára allt sem ég ætlaði að klára að gera í jólafríinu, sem ég er ekki byrjaður á.
—
Tók strætó áðan í fyrsta skipti frá því að það var klesst á gamla bílinn minn. Að þurfa að labba niður á Lækjargötu í flauelsjakka, skyrtu og með fkn silkibindi í rigningu og þurfa að bíða þar eftir strætó, var ömurlegt og hálfgerð niðurlæging fyrir mig. Ég hlæ yfirleitt þegar ég sé busana í strætóskýlinu á leiðinni heim úr skólanum og keyri framhjá þeim, hugsandi til baka hvað var svekkjandi að horfa á bílastæðin hjá MS tæmast þegar ég þurfti að labba rúmlega km leið út að strætóskýlinu á Miklubrautinni.

Jólakveðjur frá Magga “gáfaða” Dan.

Prófin voru fá hjá mér þetta árið, bara eins og frá ég byrjaði í FB. Tók fjögur í vor og fjögur seinastu jól líka, minnir mig. Þó prófin væru fá voru þetta langir dagar fyrir mig. Tók íslensku á mánudaginn, leikfimi á miðvikudaginn og spænsku og sögu í gær. Ég er viss um að ég nái öllu þó íslenskan verði tæp, enda íslenskar bókmenntir frá 1550 að 1900!

Ég er eiginlega búinn að vera að frá morgni til kvölds að læra, finnst mér allavega ;). Nema kannski þegar ég náði ekki einbeitingu og fór að gera eitthvað annað. Ég var líka að seinustu vikuna fyrir próf að gera eitthvað sem ég hafði frestað fram á seinustu stundu.

Þannig að ég er búinn að bíða spenntur eftir fríinu, sem verður nú ekki mikið frí. Byrjaði að vinna áðan og verða að vinna daglega fram að jólum frá mánudeginum. Ég á eftir að gera mikið í fríinu. Meðal annars þetta: horfa á alla þættina af Næturvaktinni (sem ég „tók upp“……., SMÁÍS ;)), horfa á seinustu þætti annarrar seríu af Prison Break og nýjustu þættina í þeirri þriðju, horfa á fullt af bíómyndum; þ.á.m. Jesus Camp, lesa Gyllta Áttavitann aftur - svona í tilefni af myndinni sem er að koma eftir bókinni, Eragon og númer 2 og Hitchhiker’s Guide To The Galaxy.
Efast samt um að það verði mikill laus tími milli þess sem ég mun sofa og vinna. Þarf að vinna upp mikinn svefn sem ég tapaði á seinustu tveimur vikum.

Ég er búinn að skima eftir jólagjöfum seinustu daga og reyna að láta mér detta e-ð í hug. Datt svo á eina áðan; lét slag standa og keypti hana - gegn minni betri vitund þó að tilvonandi eigandi verði mjög glaður. Sá í sömu búð ýmislegt sem mig langaði að kaupa í pakkan handa öðrum en sleppti því.

Farinn að leggja mig.

Ný próf, nýjar hugmyndir.
Það er alveg ótrúlegt hvað próf geta fengið mann til að hugsa um annað en námsefnið, einmitt það sem maður á að vera að hugsa um og læra.
Ég ákvað að fara að fikta í ýmsum plug-inum fyrir wordpress, bloggkerfinu sem síðan mín keyrir á.
Núna er síðan t.d. komin með þægilegt útlit fyrir farsímanotendur. Efst eru linkar sem beinast að Heim, Nýlegar færslur og Síður. Eftir því koma nýlegar færslur og hvenær þær voru skrifaðar. Síðast kemur svo Síður, sem sagt: Kvikmyndir & tónlist, og það dót. Áður birtist síðan eins og hún var, nema virkilega samþjöppuð. American Gangster bloggið var t.a.m. um 50 línur. Svo kom allt sidebarið.
Henti svo inn fullt af drasli bara fyrir mig.

Alveg magnað hvað prófin hafa leiðinleg áhrif á mig. Ég þyrfti að hafa þrjá daga til að undirbúa mig fyrir hvert próf, útaf ég næ varla að klára heimanámið mitt á hverjum degi - hvað þá eyða HEILLI viku í að læra!
Af hverju haldið þið til dæmis að þið séuð að lesa þetta blogg núna? Ekki var það skemmtilegt, mér fannst samt skemmtilegra að skrifa það en að lesa enn aðra blaðsíðu um þol, styrk, teygjur, hraða, vöðva eða hvern fjandann sem ég var að lesa. Argasta helvíti.

Eitt enn. Hvernig fíliði þetta útlit á síðunni? Mér persónulegra finnst það mjög kúl. Það býður líka upp á blogg RSS straum og kommenta RSS straum. Líka út frá stökum færslum, sem er samt frekar tilgangslaust.