SMÁÍS = Fávitar
9 November 2007 | 18:47Bahhh. Ég fór inn á IsTorrent áðan til að sjá hvort eitthvað spennandi væri þar inná, þegar ég rak augun í frétt á forsíðunni hjá þeim. Fréttin fjallar um skýrslu sem comScore gerði um nýjustu plötu Radiohead, In Rainbows. Radiohead ákvað, fyrst hljómsveita, að bjóða áðdáendum sínum að ná sér á nýjan hátt í plötu sína. Þú getur farið inn á InRainbows.com og náð þér þar í plötuna, ókeypis eða borgað fyrir hana jafn mikið og þú vilt.
Samkvæmt comScore náðu 62% aðdáenda Radiohead í plötuna ókeypis, þar á meðal ég, en 38% sem borguðu borguðu að meðaltali 350 krónur fyrir plötuna. Þarna ákváðu SMÁÍS að hamra járnið meðan það væri heitt og drulla yfir þessa aðferð Radiohead, og sanna að „þjófarnir á netinu, og aðrir“ myndu ekki borga fyrir efni sem hægt væri að fá ódýrt á netinu, heldur niðurhala því ólöglega eða borga ekkert.
Mér finnst þetta gjörsamlega fáránleg frétt hjá SMÁÍS, sem ber titilinn „Eru aðdáendur Radiohead nýskari en aðrir neytendur?“. Ég er svo drullupirraður núna bara við að lesa fréttina aftur yfir. Ég er ekki tilbúinn að borga fyrir tónlist á netinu. Ég hefði ekki borgað meira en 350 kall fyrir diskinn af netinu, en ef ég fíla tónlist kaupi ég hana á 1.999 krónur hjá Skífunni þegar ég er búinn að niðurhala henni, löglega eða ólöglega. Ég er bara svo hneykslaður á SMÁÍS, og orðbragðinu sem þeir nota í fréttinni að ég get ekki vonað annað en að fréttahöfundurinn muni eiga ömurlegt líf það sem eftir er.
Einnig er þess vert að taka fram að talsmaður Radiohead er alls ekki sáttur með könnun comScore og sagði m.a. þetta um hana: However, they can confirm that the figures quoted by the company comScore Inc are wholly inaccurate and in no way reflect definitive market intelligence or, indeed, the true success of the project.
Og talandi um verð á geisladiskum. Fyrir ári síðan kostaði DVD- og geisladiskur vanalega 1.999 krónur hjá Skífunni, nema um væri að ræða tilboð eða sérstaka útgáfu á geisladisknum. Svo voru tónlist og kvikmyndir gerðar skattfrjálsar hjá ríkinu, og lækkaði verðið þá niður í 1.834 krónur, minnir mig, og hélst þannig í einhverja mánuði. Hvað kostar DVD- og geisladiskur núna? 1.999 krónur! SMÁÍS, Skífan og allir sem koma nálægt þessu, fokking hoppið upp í rassgatið á ykkur. Ég er hættur að kaupa tónlist hérlendis.
ég er hjartanlega sammála þér í þessu
“Já, ungir menn sem höfðu setið árum saman, fyrir framan tölvuna, bólugrafnir með bremsufar í nærbuxunum heima hjá foreldrum sínum, sannfærðir um að þeir væru Hrói Höttur nútímans höfðu loksins fengið tækifæri til að sanna að þeir vildu sko alveg borga fyrir hluti og það sem þeir höfðu talað um árum saman á spjallrásum, væri rétt!!” – SMÁÍS
Maður vill svosem halda að þessir menn viti eitthvað í sinn haus, sama hversu ósammála maður er þeim. Þeir misstu þó alveg þann snefil af virðingu sem ég bar fyrir þeim eftir að þeir birtu þessa frétt með þessu orðalagi formlega á heimasíðu sinni. Að þeir leyfi sér það er fáránlegt.
SMÁÍS hálfvitarnir gátu ekki einu sinni skrifað titilinn án þess að koma með málfarsvillu.
Eftirfarandi málsgrein sýnir svo að ekki verður um villst að mennirnir sem þarna starfa eru algjörlega óhæfir til starfsins: “Núna loksins gætu þjófarnir á netinu, og aðrir, sannað að þeir væru sko alveg til í að borga fyrir hluti og að þetta væri sko framtíðin. Já, ungir menn sem höfðu setið árum saman, fyrir framan tölvuna, bólugrafnir með bremsufar í nærbuxunum heima hjá foreldrum sínum, sannfærðir um að þeir væru Hrói Höttur nútímans höfðu loksins fengið tækifæri til að sanna að þeir vildu sko alveg borga fyrir hluti og það sem þeir höfðu talað um árum saman á spjallrásum, væri rétt!!”
Halló!! Er ekki allt í lagi? Það þarf ekkert að útskýra þetta nánar, þetta segir sig sjálft.
SMÁÍS ætti að skammast sín!
Jæja. Þá lokaði torrent. Andskotans helvítis andskoti.
Til hamingju Þorsteinn. Þú átt þúsundasta kommentið á síðunni minni.
Naunau! Hvað er í verðlaun?