MaggiDan.com

Vinnan er byrjuð á fullu. Hún er yfirhöfuð léttari en ég átti von á. Það eru fáir gámar sem þarf að tína út úr handvirkt og þá er voðalega lítið sem hægt er að gera nema maður sé með lyftararéttindi, þó maður sé farinn að fikra sig smá áfram á þeim. Tek samt bóklegt lyftarapróf 2. júní á vegum Samskipa. Þó að þetta sé auðveld vinna er hún samt þreytandi þannig að ég sef mikið núna. Það getur samt, ótrúlegt en satt, verið leiðinlegt til lengdar að gera ekki neitt.. þannig að ég er byrjaður að taka iPodinn með mér og get horft á Two And A Half Man þegar rólegt er.

Helgarnar eru miklu skemmtilegri. Engin helgarvinna og ég nýt þess. Fór í tvö barnaafmæli á laugardaginn og svo í pylsupartý um kvöldið. Þó að pylsurnar hafi bara verið notuð sem afsökun hjá haldandanum til að drekka? Allavega. Svo var það Meet The Robinsons á hálf tvö-sýningu á sunnudeginum. Þrennt hef ég út á það að segja: Ég hélt að ég væri að fara á þrívíddar mynd, en hún var víst bara í þrívídd í Kringlunni og það var hvergi tekið fram. Hún var með íslensku tali. Það var heldur hvergi tekið fram. Myndin var yfirhöfuð bara leiðinleg.

Prófin.. Ég náði öllu nema leikfimi. Hefði viljað sjá betri einkunnir, en svona er þetta. Gengur betur um jólin. En já, núna geng ég undir gælunafninu Íþróttaálfurinn hjá tengdó.