MaggiDan.com

Svona í tilefni þess að ég fann þessa mynd í gær og ummæla Robba í blogginu hér fyrir neðan.

The Number 23 er ein hrikalegasta mynd sem ég hef séð. Ég fór á hana um helgina og ég trúi ekki að ég hafi borgað 900 kall fyrir hana. Það er ekki oft sem ég sé mynd og hún fær undir fimm hjá mér. 23 fær þrjá af tíu. Versta mynd ársins og seinasta og þarseinasta og þar á undan. Virkilega. Forðið ykkur frá myndinni.

Bílpróf er æðislegt. Bílleysi er jafn ömurlegt og bílprófið er æðislegt. Kominn með einn eða tvo bíla í sigtið. Fer vonandi að vinna svo í þessu og kaupi einn á kostakjörum.

Skellti inn nýrri plötu mánaðarins. Justin Timberlake - FutureSex/LoveSounds. Sem dæmi um hvað hún er góð sagði annar helmingur Death From Above 1979 að þetta væri besta plata seinasta árs.

Í gær var ég búinn að eyða heilum degi með Örnu þegar hún lítur á mig og segir „vó, til hamingju með átta mánuðina“. Þá var klukkan níu. Hvorugt okkar hafði fattað hvaða dagur var. Já, ég veit hvað þú ert að hugsa. Okkur finnst ennþá kúl þegar 26. hvers mánaðar er.
PS. Takið eftir ljótum hökutopp ef þið smellið á myndina. Þá kemur stærri mynd. Þessi hökutoppur var einu sinni geggjað töff, fannst mér. /lol.

Nú að spila: N*E*R*D - Provider.

Ööö. Bloggið fyrir neðan þetta hvarf. Veit ekki hvernig eða af hverju.

Ó, hvað sigurinn bragðast vel. Í því sem mér fannst sérlega erfiðu ökuprófi, kannski er ekki að marka það.. ég tók próf M seinast, er einstaklega skemmtilegt að labba út með núll villur úr bílprófinu. Það sem gerir það enn betra er að allir sem voru á undan féllu. Ég veit það er vont að hugsa svona, en see you suckers sem náðuð ekki prófinu!
Nú að spila: Brain Police - Taste the Flower.

Í vikunni las ég pistil í Blaðinu um Morgunblaðið. Þarlendur blaðamaður birti pistil með titlinum „Er Mogginn götublað?“ sem fjallaði um grein Moggans um mildun Hæstaréttar á dómi barnaperra. Þar skrifaði hún um hvað henni fyndist um rekstur Morgunblaðsins og kallar það „mjög undarlegt“ og segir að „hrekklaus kona eins og hún sé ekki best til þess fallin að lesa inn í hugarheim þeirra Moggamanna“. Jafnframt segir hún að eftir að hafa lesið greinina sagðist hún halda að Mogginn væri meðvitað að reyna að breyta sér í götublað, og reyna með því að rétta af slæman hluti sinn á fjölmiðlamarkaði. Hún segðist halda að það væri leið til glötunar, ekki leiðin uppá við.
Mér fannst þetta fyndið. Að blaðamaður hjá Blaðinu hafi gagnrýnt Moggann fyrir framkomu sína. Fyrir að vera götublað, þegar Blaðið er hvað? Næst lélegasta blað Íslands og götu-slúður-plebbablað út í eitt. Þó held ég að götublaðamennska gæti legið ágætlega fyrir Mogganum, slúðurfréttir Mbl.is fá hvað mesta athygli allra frétta vefsins. Allavega gætu þeir sett það út sem aukablað, og vonandi gert þannig endanlega útaf við DV.

Mér finnst líka fyndið hvernig áhugi fjölmiðlanna breytist. Fyrir einhverjum vikum síðan var það Guðmundur í Byrginu og leiddi Stöð 2 þá herferð. Vikuna eftir voru það barnaperrar, sem einnig voru leiddir af Stöð 2. Svo er það núna Breiðavík. (Meira að segja verið að tala um það núna í sjónvarpinu! :D)
Það sem er fyndnast við það er að núna er öllum skítsama um fjármálaóreiðu Byrgisins og áhuga forstöðumannsins á BDSM-kynlífi. Allir eru hættir að hugsa um barnaperra og eftir mánuð verða fyrrum vistmenn Breiðavíkurheimilisins gleymdir. Hvernig verður skandall næstu viku, eða verður þá fjallað um saumaskap á elliheimilum eins og var gert þegar ekkert kom uppá þann daginn?

Einnig er nýtt myndband vikunnar.

Nú að spila: Daft Punk - Technologic (Peaches cover).