MaggiDan.com

Allir hafa heyrt um dóparann Pete Doherty og hljómsveitir hans, The Libertines og Babyshambles, en því miður hafa fæstir heyrt í hljómsveitum hans. Sökum þess ætla ég að reyna að kynna aðra sveitina hans hér, The Libertines með samnefndum disk.

Þetta var annar diskurinn sem The Libertines sendir frá sér, en jafnframt sá seinasti sökum óreglu Petes. Þegar diskurinn var gefinn út var Pete ekki í bandinu, hann var ýmist inn eða útúr bandinu, en hann var bíðandi eftir dómi vegna eggvopns sem hann var með á sér eftir að hafa flúið úr meðferð úr Búdda-klaustri á Taílandi.
Tónlistin á disknum er allt frá hráu pönk rokki, Arbeit Macht Frei og þá sérstaklega Don’t Be Shy sem er versta lagið á disknum, að virkilega úthugsuðu rokki, The Ha Ha Wall, og að auðmeltu og útvarpsvænu rokki, Last Post On The Bugle og What Katie Did. Flest lögin er erfitt að finnast góð við fyrstu hlustanir en þau vaxa sífellt á.
Eitt það sem fer mest í taugarnar á fólki sem ekki kann að meta The Libertines er rödd Pete Dohertys en sumir segja að hann sé gjörsamlega ófær um að syngja, sem er að vissu leyti rétt. Hann syngur hryllilega illa með gjörsamlega útbrunni rödd eftir mikla drykkju og reykingar. Þó þeir líti út fyrir að vera skítsama um lífið og tilveruna lögðu þeir svo mikinn metnað í plötuna að upptökustjórinn Alan McGee, sem hefur unnið með fjölmörgum böndum, sagði The Libertines „the most extreme band I’ve worked with.“
Diskurinn fær góða dóma á flestum stærri tónlistargagnrýnendum, en það er 4/5 hjá All Music Guide, 7.1 hjá Pitchfork Media, 9/10 hjá NME, 4/5 hjá Q og 4/5 hjá Mojo.

Þrátt fyrir töluvert litlar vinsældir hafa The Libertines unnið inn fjölda viðurkenninga, m.a. fyrrnefnda dóma ásamt 4/5 fyrir fyrri plötu þeirra, Up The Bracket, hjá All Music Guide og 8.5/10 hjá Pitchfork Media. Árið 2004 voru þeir kosnir Band Ársins hjá NME þrátt fyrir að eina útgáfa þetta árið hafi verið ein smáskífa. Einnig unnu þeir hjá NME Tónleika Ársins árið 2003, en Pete spilaði á þeim tónleikum örfáum klukkustundum eftir að hafa verið sleppt úr fangelsi. Þess má einnig til gamans geta að myndin sem prýðir framhlið disksins The Libertines er tekin á akkúrat þeim tónleikum. Þeir eru líka á Topp 100 tónleika-lista Q eftir þriggja tónleika röð í desember 2003.

Vil ég líka benda áhugasömum á nýtt band Petes, Babyshambles, og á nýtt band Carl Barâts, sem var hinn aðalmaðurinn í bandinu, Dirty Pretty Things.
Rating: