MaggiDan.com

Mér finnst kominn tími á blogg. Ég veit ekki hvað gerðist en öll fjölbreytni er horfin úr lífi mínu, þannig að þið fáið einhæft blogg. Eeen ég er sáttur þannig að það er ekkert til að kvarta yfir.

Fyrst. FB er frábær skóli. Námið er betra en ég átti von á og ef eitthvað er finnst mér FB erfiðari en MS. Félagslífið í FB er samt jafnt og ekkert á vegum skólans, en krakkarnir þarna eru skemmtilegir. Búinn að kynnast fullt af nýju fólki og ég hreint út sagt elska frímínúturnar þarna. Stór meirihluti skólans hverfur inn í mötuneytið og þar eru allir. Hver hópur á sitt borð, og þar sem ég sit er alltaf einhver sem ég þekki. Það er yndislegt; göt, búinn fyrr í tíma, frímínútur. Alltaf er einhver þarna.
Svo er ég að reyna að troða mér í ritnefndina og er ég held ég kominn inn. Tilbúinn með eina grein og hugsanlega fleiri að koma. En allavega, ég > ritnefnd > nefndaferð > geðveiki. Ég veit varla hvernig á að orða þessa ferð, öðruvísi en geðveiki - allavega af því sem ég hef heyrt af henni. Áfengi og stór hópur vitleysingja einkenna ferðina.
Og svo sé ég um eitt af framhaldsskólablöðunum hérna, Eimreiðina, þ.e. ég sé um að bunkinn sé snyrtilegur og gott aðgengi að honum og fæ fyrir það bíómiða og þannig dót. Pís of keik. Annars er varla markaður fyrir þessi blöð hérna á Íslandi, heill hellingur af bunkum af blöðum í FB sem enginn hefur áhuga á að lesa.
Svo ákvað ég áðan að ég ætla að spara svo ég eigi pening fyrir bíl sem ég þarf ekki að skammast mín fyrir að keyra um á.
Seinasta sem ég tæla að fjalla um í sambandi viðm skólann er Sigur Rósar-ritgerðin mín. Ég skil ekki af hverju - því ég elska að gera ritgerðir og ég elska Sigur Rós - af hverju ég nennti ekki að gera þessa ritgerð. Ég var búinn að hafa meira en mánuð til að gera hana en ég byrjaði ekki að skrifa fyrr en um þrjú daginn áður en ég átti að skila henni. Og ég var ekki nema ca tólf tíma að! Fimm blaðsíður af vel skrifuðu efni (:D) um Sigur Rós er ekkert sem auðvelt er að gera á tólf tímum get ég sagt ykkur. Ég er enn að reyna að ná upp töpuðum svefni þar sem ég hef haft þreytu í augnum á mér stanslaust síðan á föstudaginn.
Nóg af skólanum..

..Og yfir í Hagkaup. Eftir um það bil tvo og hálfan tíma fer ég á mína síðustu vakt í Hagkaup, því fyrir tveimur vikum og tveimur dögum sagði ég þarna upp. Og ég get ekki sagt annað en að ég sé feginn. Nú veit ég ekki hvort ég sé að fara úr öskunni í eldinn en ég er að öllum líkindum að fara að vinna í Samkaup í Suðurveri. Ég vona auðvitað að ég eigi von á betri vinnu þar en í Hagkaup en ég sé bara hvernig gengur.
Svo eftir þessa vakt er stefnan sett á Grillhúsið Tryggvagötu þar sem ég og Arna ætlum að borða gómsætan mat í tilefni af þriggja mánaða afmæli ástar okkar á hvoru öðru.

Ég ætla að segja þetta gott. Ég var farinn að klæja í puttana að blogga og ég náði að svala þránni núna.

Nú að spila: Babyshambles - The 32nd Of December.

Okei. Vá. Svekkjandi. Komment sem myndin er búin að fá:
Hhahaha maneater
hahahahahahaha
rólegur kallinn;)
Eat Maggi Eat! hahahahhahaha [frá Mána]
góður þessi vinstra megin maður!
hahahaha! Yndislegt…
Maggi þú kannt þetta greinilega mjög vel :D:D….Bjarki og Hugga hinsvegar lýta ágætlega út ;)… [frá Hörpu Rún]
þessi fór svangur á ballið.

Aftur er ég í tölvufræði. Það virðast veru einu tímarnir þar sem ég heimsæki tölvur og vafra á netinu, enda fátt annað hægt að gera hérna og ég hef ekki áhuga á að gera það eftir skóla. Gaman einnig að segja frá því að ég lærði tvo nýja hluti við Word sem ég kunni ekki áður í þessum tíma.

Annars er held ég verið að busa fyrir utan skólann akkúrat þegar ég skrifa þetta, og er það frekar svekkjandi að missa af því.
En þar sem busadagurinn er núna verður busaballið í kvöld og spilar Kúng Fú fyrir dansi. Þetta legst samt ágætlega í mig.
Tíminn búinn.

Nú að spila: Gus Gus - Teenage Sensation.