MaggiDan.com

HAHAHAHA! Vá hvað þetta lýsir mér í fjórum römmum!

Helvíti er það skítt að fá svona kaldar viðtökur þegar maður fæðist. Ári fyrr var 7°c heitara. Tveimur árum fyrr var 11°c heitara. Ári seinna var 10°c heitara. Tveimur árum seinna var 11°c heitara. Djöfull hlýt ég að vera góð manneskja.

Þá er ég loksins að ná mér eftir viku veikindi. Byrjaði útfrá 17. júní en eftir tveggja daga þynnku þar sem seinni dagurinn var verri datt mér í hug að þetta væri kannski ekki þynnka. Þökk sé sumum gleymdist þrisvar sinnum að sækja jakkann minn. Ég var sem sagt á bolnum frá því um hálf átta til ca ellefu þangað til örlátur Hagkaupsstarfsmaður lét mig fá peysuna sína. Sem var alltof alltof lítil. En hlý var hún, mhmm. Svo vildi hún fá peysuna sína aftur og þá var ég aftur fastur á bolnum. En stuttu eftir það fór ég heim.
Svoooo í vinnunni daginn eftir var engin matarlyst til staðar, ég náði að klára vínarbrauðið en helv… kleinuhringurinn vildi ekki fara niður. Náði þó að borða kvölmat.
Farmhaldið er hundleiðinlegt, hápunktur veikindanna:
Hálft leiktímabilið í FIFA 2005 klárað! September að febrúar. Það eru um þrjátíu leikir, með eru taldir allir þeir leikir fyrir utan deilarinnar, League Cup, English Cup og einhver einn í viðbót sem ég veit ekkert hvað heitir. Varúð, eftirfarandi er bara fyrir FIFA nörda. Gosh, ég vinn stórlið eins og Tottenham, Chelsea og Real Madrid sem fyrstu deildarlið (vann mig upp í hana, btw) og svo kem ég í fyrstu deildina og skíttapa á móti einhverju skítaliði í 19. sæti! Svo fáránlega ógeðslega svekkjandi að mest af öllu langaði mig til að brjóta fjarstýringuna. Varúð búið.
Svo gerðist eiginlega ekkert annað skemmtilegt meðan ég var veikur nema það að ég hafði nægan tíma til að hugsa um að festa kaup á tvær til þrjár aðrar xbox fjarstýringar stefni ég að því eftir útborgun.

Mig langar þvílíkt að segja frá einhverju öðru merkilegu sem gerðist.. eða nánast bara hverju sem er því ég er í þvílíku bloggstuði. En þar sem ég hef engu að segja frá neyðist ég til að hætta. Þó getið þið skemmt ykkur á einu, ég var að vafra á netinu og fann þetta á einni síðu, undir nafninu Hið ódauðlega MC Gauta pwn. Rifrildi milli Gauta og vinar eins vinnufélaga míns, frekar ógeðslega fyndið.

Nú að spila: Massive Attack - Man Next Door.

Okei vá. Ég þakka fyrir snargeðveikan 17. júní, mikið fjör og glens og gaman. Freysi böstaður og bjórinn hans tekinn. Haha. Og honum sleppt. Mögnuð lögga. Hitti fuuullt af fólki og allt Hagkaups-krúið. Fátt annað hægt að segja um kvöldið.

Ökuskóli eitt áðan og tveir Magic-ar til að halda mér rólegum. Mun lengur að líða en ég bjóst við. En sem betur fer þekkti ég eina manneskju þarna og var ekki geðveikt einmanna náungi.

Ugh, svangur og ég nenni svo ógeðslega mikið ekki að blogga.

Nú að spila: Röyksopp - Someone Like Me. (Vávává. Tjekka á þessu lagi)

Já, það er úr nógu að moða fyrir þetta blogg en það er spurning um hversu langt ég nenni að hafa það.

Á mánudagskvöldið voru hinir alræmdu Roger Waters tónleikar sem ég fór auðvitað á. Má ekki missa af forsprakka uppáhaldshljómsveitarinn sinnar halda tónleika á Íslandi. Tónleikarnir komu nokkuð vel út og þó ég hafi varla labbað sáttur út úr Egilshöllinni þá áttaði ég mig á því daginn eftir að þessir tónleikar voru alveg vel þess virði og meira til.

Ég byrjaði í æfingarakstri á mánudaginn og er búinn að taka þrjá klukkutíma tíma núna. Nei, ég er ekki með Óla Lár. Minn heitir Hilmar og er vinur gamla settsins. Hann lofaði mig þvílíkt í fyrsta tímanum, ég drap btw aldrei á honum í fyrsta tímanum, og einnig í öðrum, þó drap ég einu sinni á honum þá, og líka áðan, sagði að ef ég héldi svona áfram yrði ég frábær ökumaður. Ég drap samt á honum áðan. En hvorgut af skiptunum sem ég drap á honum var á örlagastundu eins og á ljósum, fyrra skiptið var þegar ég stoppaði í brekku og seinna skiptið var áðan þegar ég var að bakka úr stæðinu frá Hagkaup. Ég byrja í ökuskóla eitt á mánudaginn og verð í honum fram á miðvikudag. Fer svo í annan tíma á fimmtudaginn og þá fer óðum að styttast í æfingarakstur. Feis.

Seinasti hluturinn er að ég vonast eftir feitu umslagi um mánaðarmótin. Búinn að vinna fimm til sex tíma á hverjum degi í tvær vikur og þar á undan sjö tíma á dag í nokkra daga. Svo er 17. júní eftir tvo daga og það er feitur peningur. 6×1600 kall skildist mér.

Segja þetta gott.

Til hamingju með daginn, Anti-Kristur.

Nick Mason spilar með Roger Waters Dark Side Of The Moon í Egilshöll. Skildi þetta náttúrulega enginn.

Mamma og pabbi koma svo heim á morgun frá stað með lang og flókið nafn. Gleymdi hvað það heitir. En það skiptir ekki máli því það merkilega er að ég fékk að vera einn heima í tvær vikur. Pælið í óábyrgum foreldrum að skilja litla örverpið eftir heima bjargarlaust í tvær heilar vikur. Hann sem kunni ekki einu sinni að þvo þvott fyrir þremur vikum. Og hvað þá að elda, ég skil bara ekki hvað þau voru að hugsa. Bara sextán ára gamall. Ég gerði samt ekkert af mér núna!

Bah, þarf að ryksuga og hafa fínt fyrir gamla settið.

Nú að spila: The Raconteurs - Steady, As She Goes. Ég bara fæ ekki nóg af þessu lagi.

Update: Var að finna screen-shot af political compass og tölurnar sem ég gaf upp voru rangur, þær eru; vinstri: 0.63 og íhaldssamur: 1.74. Ekki vinstri: 1.63 og íhaldssamur: 0.67.

Myndirnar eru í réttri röð. Það vantar reyndar „með“ milli annarrar og þriðju myndar.