MaggiDan.com

Ég fór að spá í gær. Maggi ætti að vera orð yfir ofurhetjur. „Váá mamma, þegar ég verð stór ætla ég að verða maggi!“ Mér fannst þetta orð bara passa svo vel við þetta hugatak. „Sæl, ég er Maggi og er maggi. *hot smile*“ Svona fer fyrir manni þegar maður lærir of mikið.

Annars uppgötvaði ég krafta Google Video á seinustu dögum en þeir bjóða upp á niðurhal á myndböndum sínum á endingu sem iPod Video styður, þannig að núna er ég með Monsters of Rock tónleikana, Opeth tónleika, John Lennon myndbönd, Eric Clapton tónleika og margt fleira. Auðvitað virkar virkar Podinn eins og ég bjóst við, en heyrnatólin. Vá. Vává. Vávává! Djöfulsins snilld. Hljóðið, bassinn. Allt er fullkomið. Miklu betra en ég bjóst við.

Það var afmæli á þriðjudaginn en þá varð Robbi 22 ára gamall. Svo á miðvikudaginn fór pabbi úr skilgreiningu minni á miðaldra yfir í gamall. Kallinn er sem sagt orðinn 50 ára. Ekki amalegt að eiga afmæli sama dag og verðandi borgarstjóri Reykjavíkur, Vilhjálmur. Það er ekkert nema gott. Svo á Arnar F aka Freysi aka Freysmaster aka Phreysi aka DJ Freys afmæli í dag.

En talandi um borgarstjórann, ég horfði á Kastljósið þegar ég var að fara að sofa og þar voru öll borgarstjóraefni (ehh?) flokkanna og umræðan fór að gamalmennum (pabbi þarf núna að fara að fylgjast með þeim málefnum ) og fengu Vinstri Grænir seinastir orðið, konan þar vildi greinilega skora stig hjá þeim því meðan allir aðrir töluðu um gamlingja sem hóp í samfélaginu vildi hún „ekki tala um þá sem hóp þar sem þeir eru jafn fjölbreyttir og restin af samfélaginu“, en svo tók hún öryrkja, innflytjendur og fleiri sem dæmi og talaði um þá sem HÓPA. Þvílík hræsni hjá henni, talandi í svo hrópandi mótsögn við sig og það sem hún hafði sagt um það bil hálfri mínútu áður.

Nú að spila: Sahara Hotnights – Nerves.

Jæja, þá er Malea komin. Eftir margar spurningar; Malea er skiptinemi sem var hjá okkur. Hún lenti á miðvikudagsmorgninum og vakti mig með pompi og prakt, hoppandi í rúminu mínu og dró upp allar gardínurnar KLUKKAN ÁTTA um morguninn! Og ég átti ekki að mæta fyrr en klukkan tíu í skólann. Een það skiptir ekki máli því hún kom með dótið mitt. Sem virkar allt fullkomlega. Fallega, fallega dótið mitt. Mmm. Annars hefur ekkert gerst frá því ég bloggaði seinast, sem útskýrir af hverju ég hef ekki bloggað. Skólinn byrjaður aftur, í tvo daga í viðbót og svo kemur viku frá og svo próf. Sem þýðir að sumarfrí er á næsta leiti. Fokk ég er fáránlega svangur og þrauka ekki lengur, farinn að éta.