MaggiDan.com

Ég held ég hafi sjaldan verið jafn feginn að lifa á árinu 2005.
doddi!Þvílík og önnur eins tíska. Oj. Fjólubláir gallar, legghlífar, griflur og moon boots, að ógleymdu hryllilegu hárinu. Þið sem eruð ekki búin að fatta það, þá er ’85 vika í gangi í skólanum.
Búið er að breyta einu skólahúsinu í Tímavél, en það er ansi töff. Spiluð eighties tónlist, þó svo að meiri hlutinn sé rusl komu fram góð lög, og búið er að líma upp á alla vegi hússins brúnan pappír sem búið er að mála myndir á, hápunkti áratugarins, svo sem hljómsveitarnöfn, kærleiksbirnina, He-Man, Dr. Pepper, Ghost Busters og fleira. Svo er diskóljós í gangi þar allan daginn. Greinilega lögð mikil vinna í þetta. Nemendaráðið fékk einnig klippinema úr Iðnó til að vera í steustofunni með ókeypis möllet-klippingar, fyrir þá sem vildu.
Eini gallinn er að þetta er rangur áratugur. Hefðu þau farið aftur um 10 ár hefðu þau fengið mun meiri viðbrögð hugsa ég. Hver vill ekki vera eins og John Travolta í Saturday Night Fever? Sá áratugur var snilld, flott föt, flott tónlist. Ég hefði virkilega reynt að kaupa mér jafn eitursvöl jakkaföt og skyrtu og John var í í Saturday Night Fever. En ekki er allt á kosið og um að gera að reyna að skemmta sér vel, það er samt smá bögg. Það á enginn í kringum mig eighties föt, og ég get ekki látið sjá mig í diskókeilu í kvöld án “flotts” fatnaðar. Spurning um að kíkja í Spútnik á morgun.