MaggiDan.com

Ég vissi það! Lola er karlmaður! Allir sem ég leyfði að heyra textabrotið úr laginu sögðu að þetta væru rugl í mér, en neiiii, allt kom fyrir ekki.. Ég hafði rétt fyrir mér:
Well I’m not the world’s most physical guy
But when she squeezed me tight she nearly broke my spine
—
Well I’m not dumb but I can’t understand
Why she walked like a woman and talked like a man
—
But I know what I am and I’m glad I’m a man
And so is Lola

Seinasta textabrotið er það sem ég tók helst eftir og leyfði fólki að heyra. Svo las ég loksins textann og voila, kom ekki í ljós að Lola er karlmaður og þar af leiðandi hef ég rétt fyrir mér?

Yfir í annað.

Úr öskunni yfir í eldinn. Bubbles er þó skemmtilegur, tetris er ekki skemmtilegur í þessari útgáfu. Svona er að lofa einhverju sem þú getur ekki gert, ég mun aldrei ná meira en 2500 stigum! Hvað var ég spá með að segjast getað fengið hærra en það? :/

Vá! Vá! Vá! Þvílíkir tónleikar!
Ég fór á tónleika með hljómsveitinni Dúndurfréttum í gærkvöldi, 26. nóv; sem coverar Pink Floyd, Led Zeppelin, Deep Purple og Uriah Heep, og voru þetta Pink Floyd tónleikar. Tilefnið var 10 ára afmæli Dúndurfrétta, taka þeir 4 tónleika í því tilefni; 2 Pink Floyd og 2 með Led Zeppelin, Deep Purple og Uriah Heep lögum. Þar sem ég vissi ekkert um hvernig þeir væru á tónleikum fór ég með það í hausnum að þeir væru örugglega ekkert sérstakir, en annað kom í ljós.
Ég hefði ekki getað beðið ef betra lagaval, því þeir völdu nánast bara lög sem eru í uppáhaldi hjá mér. Þeir byjuðu tónleikana á mínu uppáhaldslagi, Shine On You Crazy Diamond, og ég var með gæsahúð allan tímann sem það var spilað, og það er ekki stutt. Fyrir hlé voru þeir mest með lög af The Wall, en hann er uppáhaldsdiskurinn minn og var ég brosandi og slefandi yfir þessu, ásamt Time minnir mig og einhverjum öðrum lögum. Þarna áttaði ég mig á því að ég kann ekki næstum því nöfnin á öllum Pink Floyd lögunum, minnið aðeins að bregðast manni.
Svo eftir hlé byrjuðu þeir á tveim lögum af Animals, Pigs On the Wing og Dogs, og hefur hann verið mest spilaðasti diskurinn hjá mér á árinu hugsa ég, þannig að ég var mjög sáttur. Tóku þeir Dogs það vel að ég hallaði mér aftur, lokaði augunum og fílaði mig sem ég væri í alvörunni á Pink Floyd tónleikum. Að því loknu tóku þeir DSOTM syrpu þar sem þeir spiluðu öll nema 2 lög af honum, enda búnir að taka Time og Money, minnir mig.

Strákarnir í Dúndurfréttum eiga skilið mikið hrós fyrir frábæra tónleika. Ég labbaði út í utanvið mig, hugsandi um hvað ég komst nærri því að upplifa Pink Floyd live.

Og annað, fyrirgefiði hvað þetta er sérstakt blogg. Hafði ætlað mér að skila þessu inn á huga.is sem grein og hafði hana því frekar ýtarlega.

N̼ a̡ spila: Pink Floyd РSheep.